Sipas MeteoAlb, territori Shqiptar do të jetë nën ndikimin e kushteve të qëndrueshme atmosferike, si pasojë e masave ajrore të ftohta që kanë depërtuar nga verilindja e kontinentit europian drejt Shqipërisë.
Duke sjellë deri në orët e pasdites në një pjesë të mirë të territorit dominim të kthjellimeve dhe kalime të pakta të vranësirash. Ndërsa orët vijuese do t’i bëjnë më të dukshme vranësirat në vend, por nuk do të mund të gjenerojnë reshje.
Temperaturat e ajrit do të ulen në mëngjes, por mbeten konstante në mesditë duke u luhatur nga -8°C deri në 12°C. Era do të fryjë e lehtë dhe mesatare me shpejtësi 40 km/h nga Verior duke sjellë në brigjet detare dallgëzim 3 ballë.
