Ish-kryeministri Sali Berisha ka dalë nga ambientet e Prokurorisë e Posaçme, ku u mor në pyetje opër rreth dy orë mbi dosjen hetimore për kompleksin “Partizani”.
Berisha, si në deklaratat e mëparshme, nuk i ka kursyer sulmet ndaj SPAK por edhe kryeministrit Edi Rama.
“Sapo përfundoi seanca e takimit me anëtarë të grupit të strukturuar kriminal, Altin Dumani në mungesë, Kraja dhe Millonai të pranishëm. Gjeta aty një grup të terrorizuar, në një karrige bosh duhet të ishte ulur Edi Rama. Unë në emër tuaj dhe të PD u deklarova: ‘Pse jetoni në këtë terror kaq të madh, të hysh aty…‘
U deklarova se Berisha është këtu në përputhje me parimin që beson. Çdo kush që thirret, duhet të paraqitet institucionet e drejtësisë. U thashë kam ardhur t’ju them në sy në emër të demokratëve të gjitha ata që në dy vite kam denoncuar Ramën dhe ju si grupe kriminale.I mora në pyetje, nuk u morr vesh kush pyeti më shumë, unë apo ata“, tha Berisha.
Berisha prej datës 30 dhjetor të vitit të kaluar ndodhet në masën e ‘arrestit shtëpiak’, teksa akuzohet për veprën penale “korrupsion pasiv”, në lidhje me privatizimin e kompleksit “Partizani”.
