Përkeqësimi i kushteve të motit pas mesnate nisi me reshje dëbore e erëra të forta. Ndërsa verilindja është mbuluar nga dëbora.
Trashësia e dëborës varion nga 15-40 cm, teksa probleme janë shfaqur në rrugët nacionale dhe rurale.
Në Rrugën e Kombit, qarkullimi kryhet me vështirësi për shkak të shtresave të dëborës si pasojë e erërave të forta.
Aktualisht po punojnë 12 mjete borëpastruese nga Rrësheni në Morinë. Pa energji elektrike ka mbetur një pjesë e mirë e qytetit të Kukësit dhe disa fshatra.
Ndërsa në Peshkopi dhe Bulqizë, trashësia e borës që ka nisur që nga ora 04:00 e mëngjesit ka arritur në 10 centimetra.
