“Dhuna është një akt që tregon dëshpërim”
Aleanca e Grave Parlamentare përmes një deklarate publike dënon dhunën dhe intimidimin e ushtruar dje në Komisionin e Medias ndaj kryetares Flutura Açka dhe deputeteve të tjera në këtë komision.
Aleanca e Grave thotë se “dhuna është një akt që tregon dëshpërim dhe përdoruesit e saj tregojnë hapur pamundësinë e tyre për të pranuar mendimin ndryshe”.
“Ne gratë deputete, shprehim indinjatë të thellë për atë që ndodhi dje si dhe për gjithë klimën e linçimit dhe përbaltjes së grave dhe kërkojmë vënien para përgjegjësive të autorëve të kësaj dhune” thuhet në deklaratë.
