Hemorroidet janë të përhapura në të dyja gjinitë dhe prek 1 në 20 persona, nga ku gjysma e adultëve janë mbi moshën 50 vjeçare që vuajnë nga ky problem.
Shpesh të quajtura si vena varikoze, përfaqësojnë enë gjaku tëzmadhuara në zonën e anusit ose rektumit. Çdo person ka njëpleksusit hemorroidal, i cili shërben për të mbyllur më mirëkanalin, por kur fillojnë simptomat që lidhen me gjakderdhjen, dhimbjen, prolapset, atëherë flasim për sëmundjen hemorroidale. Në varësi të vendndhodhjes së tyre ndahen në 2 lloje: të brendshme dhe të jashtme, por nuk përjashtohen edhe rastet e kolapsuara.
Simptomatika varet nga lloji I krijuar. Hemorroidet e brendshme shtrihen ne pjesën e poshtme të mukozës së rektumit dhe zakonisht janë pa dhimbje, edhe kur prodhojnë gjakderdhje. Pacientët kryesisht vërejnë shenja gjaku ne tualet ose në letërhigjienike dhe rralle ndjejnë discomfort. Ne rast se kalon jashtëzonës anale, quhet e kolapsuar, që në klinikë rezulton me dhimbje dhe irritim te vazhdueshëm për pacientët.
Venat varikoze të jashtme karakterizohen me dhimbje dhe irritim rreth zonës anale, discomfort, kruarje, ënjtje dhe gjakderdhje.
Tradicionalisht, hemorroidet janë të lidhura me konstipacionin kronik ( kapsllëku), pozicionimi ulur i zgjatur, dieta e varfër nëfibra, gratë shtatëzëna si pasojë e presionit që ushtron fetusi, mosha më e predispozuar mbi 50 vjeç. Çrregullimet e ndryshme gastrointestinale po ashtu, si kanceri kolorektal, sëmundja Crohn apo koliti ulcerativ mund të shkaktojnë gjakderdhje rektale ose simptoma të tjera të ngjashme me hemorroidet.
Nëse keni gjakderdhje apo hemorroide që nuk përmirësohen pas kujdesit në shtëpi, drejtohuni tek ofruesi I kujdesit shëndetsor, duke filluar nga mjeku juaj I familjes për të marrë shërbimin shëndetsor. Kur dyshohet për hemorroide, është jashtëzakonisht e rëndësishme që personi të vizitohet nga mjeku specialist, jo vetëm sepse do të bëjë vlerësimin actual të gjendjes por do marrë edhe trajtimin e nevojshëm, qofte medikamentoz ose jo.
Prandaj vlen të theksoj se simptomatika e ngjashme e semundjeve gastrointestinale çon në diferencim të diagnozave nga mjeku specialist dhe vlerëson ecurinë dhe prognozën e secilit pacient.
Ne fazat fillestare të sëmundjes hemorroidale,trajtimi shprehet në respektimin strikt të regjimit higjienik. Trajtimi kirurgjikal përdoret ne fazat II,III,IV si dhe ne pacient ne gradën e parë, në të cilën gjendja nuk mund të kontrollohet përmes medikamenteve dhe krijon siklet të vazhdueshëm, të ndjeshëm për pacientin.
Komplikimet e rralla përfshijnë anemi, hemorroide tëstranguluara në momentin që ndërpritet furnizimi me gjak dhe shkaktojnë dhimbje shumë të forta.
Më e mira që mund të bëjmë për të parandaluar krijimin e tyre, është ushqyerja e pasur me fibra, që do të thotë sa më shumëfruta, perime dhe drithëra të plota. Konsumimi i lëngjeve apo ujit, të paktën 6-8 gota në ditë. Ushqimet me fibra të larta përfshijnë fasulet, brokoli, drithëra të plota, gruri dhe frutat e freskëta. Evitimi I pozicionit ulur për një kohë të gjate dhe kryerja e ushtrimeve fizike për të qenë aktiv, sidomos ushtrimet aerobike të moderuara, ecja e shpejtë 20-30 min në ditë , ndihmojnë në stimulimin e funksionit të zorrëve.
