Ana Llazo, specialiste e arsimit
Arsimi parauniversitar luan një rol të rëndësishëm në formimin e individëve me aftësi dhe njohuri të cilet kthehen në burim të zhvillimit të shoqerisë tonë. Investimet në këtë drejtim qoftë nga shteti apo familja përkthehen në investim për zhvillimin e mëtejshem të shoqerisë.
Referuar bankes botërore mbeten një sërë pabarazish në aksesin në arsim dhe të varfërit tregojnë një normë më të ulët të regjistrimit në arsimim dhe në arritjet arsimore duke kufizuar mundesitë e tyre ekonomike dhe bazën e zhvillimit të vendit si një i tërë.
Çdo individ ka të drejte të arsimohet me të drejta te barabarta pasi arsimi nuk konsiderohet vetëm si një e drejtë por edhe si një detyrim hap pas hapi mbi bazën e mundësive te barabarta. Nivelet e ndryshme të arsimimit jane të lidhura ngushtë me nivelet e varferisë dhe pabarazise në një shoqëri.
Arsimimi fuqiuzon ekonominë e një vendi, eleminon varfërinë duke i dhene mundesinë individit që me punën dhe perpjekjen e tij krijon mirëqenie dhe standart jetese në nivel më të larte ekonomik.
Në këtë rast roli i shtetit është parësor duke rritur investimet në arsimin publik pasi të gjitha këto investime kthehen në investime në kapital human, të ardhura dhe mirëqenie për qytetaret e saj.
Por ku perqendrohen më shumë shpenzimet e të rinjve dhe sa mundësi kanë ata ti përballojnë? Veshjet, artikujt shkollorë të cilët konsiderohen si produkte konsumi, çanta e shkollës dhe produkte të tjera janë ndër kryesoret.
Tregu global ka pësuar rritje në artikujt shkollor me 3.7% gjatë periudhës 2022-2027.Gjithashtu paisjet electronike janë një kosto shtesë në buxhetin e familjeve të tyre.
Me rritjen e çmimeve një pjesë e prindërve janë shprehur të shqetësuar pasi nuk përballojne dot blerjet e nevojshme për fëmijët e tyre. Një pjesë e të rinjve shqiptar i plotësojnë nevojat e tyre bazike duke punuar me kohë të pjesshme dhe duke ndjekur njëkohësisht arsimimin.
