Nga, Prof.Gjok VUKSANI
Skema me vrastaarw është se, tarifat nominale fikse të përcaktura për hektar, për krerë bagëti apo për zgjua blete, “kur fondi në dispozicion rezulton më i vogël se totali i kërkesës së aplikimeve”, vlera e financimit që përfitohet për njësi reduktohet në përputhje me fondin në dispozicion për çdo skemë.
E shprehur më thjeshtë, kur kemi më shumë aplikantë se para në dispozicion për një skemë të caktuar, nuk do të shtohet financimi nga buxheti i shtetit. por bëhet një ndarje propocionale e fondit ekzistues, duke reduktuar në fakt financimin për njësi.
Pra, qeveria e rilindur, edhe sasinë e parave për njësi të parashikuara në VKM nuk e disburson, por në fund do të bëjë një rishpërndarje sipas stilit ‘alla’ socialist nga një thërrime për secilin aplikant.
Politikat mbështetësë të planifikuara për vitin 2023 janë amatoreske dhe nuk sjellin asnjë zhvillim pozitiv, përkundrazi, do të vazhdojë degradimi i blegtorisë dhe shpopullimi i zonave rurale.
Por, me sa duket, për Ministrinë e Bujqësisë më të rëndësishme janë ‘selfie’, ‘like’ dhe ‘share’, që bëhen për ministren, duke krijuar një realitet virtual, pavarësisht degradimit të bujqësisë shqiptare.
