Shpetim Axhami, kryetar i PLL
Kryetari i bashkisë duhet të zgjidhet nga antarët e Këshillit Bashkiak.
Komisioni i reformës zgjedhore që do të ngrihet, duke pasur parasysh që këtë praktikë e kanë edhe vende të tjera, duhet ta vlerësojë si duhet këtë mënyrë zgjedhje të kryebashkiakut.
Do të ishte më demokratike, më gjithpërfshirëse dhe më me efikasitet që në zgjedhjet e ardhshme vendore në Shqipëri të votohet proporcionalisht vetëm për subjektet politik, vota që do përktheheshin në antarë këshilli bashkiak dhe kryebashkiaku të votëbesohet nga ky këshill i ri bashkiak i dalë nga këto zgjedhje.
Antarët e këshillit bashkiak përfaqësojnë peshën specifike të çdo subjekti politik në çdo bashki e për rrjedhojë kryetari i bashkisë do të jetë në një shërbim më gjithpërfshirës ndaj komunitetit.
Kandidatët për kryebashkiak mund të prezantohen prej subjekteve edhe gjatë fushatës ku çdo kandidat i një subjekti për këshilltar që kërkon të votbesohet, në të drejtën e Tij, mundet ose edhe jo të shprehet se cillin kandidat për kryetar bashkie mund të votoj nesër.
Zgjedhja e kryebashkiakut p.sh me 2/3 e këshilltarëve por edhe shkarkimi i tij me 2/3 e keshilltarëve e vë atë më tepër në pozita pune dhe gjithashtu direkt apo indirekt kjo do të bënte që te rritej niveli i këtyre këshillave me intelektuale, profesioniste e persona me integritet në komunitetin e tyre.
Veç të tjerave kjo nuk e bën kryetarin e bashkisë “pasha” dhe të larguar prej qytetarëve, monopol të kryetarit të partisë, të paprekshëm dhe abuzues për katër vjet.
