– Në bulevardin ‘Dëshmorët e Kombit’ kanë nisur tensionet mes efektivëve të policisë dhe protestuesve. Pas më shumë se gjashtë orësh protestë, forcat e Rendit kanë zbritur në shesh dhe kanë tentuar të shpërndajnë protestuesit, por kanë hasur në rezistencën e tyre.
“O plehra, plehra jeni. Njerëz pa shtyllë kurrizore,”- dëgjohet të thonë protestuesit.
Sipas policisë, leja e protestuesve ka mbaruar. Ndërkohë që protestuesit pretendojnë se ata kanë bërë një njoftim tek policia për vijimin e protestës.
“Këta ordinerat, na thërritën në drejtori, urdhëruan që të përzenin njerëzit pavarësisht se ne kemi bërë kërkesë për protestë. Nuk ju vjen turp fare”- tha një qytetar.
“Ne kemi dalë për të protestuar. Ju për çfarë jeni këtu. Pse jeni këtu. Thoni pse keni ardhur. Nuk ktheni përgjigje. Jeni institucion kriminelash. Nuk ju vjen turp” u shpreh një banor tjetër.
“Shefi të tregojë se çfarë baze ligjore ka që të largojë qytetarët. Pse po bëhet kjo si lëvizje. Nuk ka bazë ligjore” – tha një qytetar.
