“Ke edukuar një burrë, ke edukuar një njeri. Ke edukuar një grua, ke edukuar një brez.” -Brigham Young-
Familja është qeliza e shoqërisë, por në qendër të kësaj qelize është gjithmonë një motër, një grua, një nënë. Për të përkujtuar rolin e gruas në shoqëri , që në fillim të viteve 1900, 8 Marsi është përcaktuar si Dita Ndërkombëtare e Gruas.
Në këtë kontekst, me rastin e Ditës Ndërkombëtare të Gruas, Bashkia Fushë-Arrëz dhe zyra e koordinimit për parandalimin e dhunës në familje, të konceptuar në formën e një bashkëbisedimi organizoi tryezën: Bashkë mundemi, bashkë ia dalim”!
Në fjalën e saj, koordinatorja e zyrës për dhunën në famije, psikologia e njohur Marsela Lekli, teksa njohu të pranishmit me qëllimin e takimit, i cili vjen në kuadër të fushatave sensibilizuese të ndërmarra nga bashkia për rritjen e ndërgjegjësimit të komunitetit mbi fenomenin e dhunës ndaj grave dhe vajzave si dhe nxitjen e ndërmarrjes së veprimeve të përbashkëta për parandalimin e këtij fenomeni, theksoi rolin e gruas në shoqëri dhe integrimin e saj në realitetet zhvillimore, u ndal në rëndësinë e hapjes së zyrës së koordinimit për dhunën në famije, pranë kësaj bashkie si një qasje dhe përpjekje për të konsideruar seriozisht fënomenin e dhunës në familje si një plagë që po dëmton institucionin e familjes shqiptare. Nisur nga ky realitet i dhimbshëm, ku dhuna në familje është tashmë fenomen që ka prekur në kapilarët e saj shoqërinë tonë, pasi ushqehet dhe nga faktorët social-ekonmikë, koordinatorja tha se bashkia Fushë-Arrëz, do e trajtojë këtë problematikë, me një vëmendje të shtuar dhe sipas përcaktimeve dhe mundësive që ofron kuadri ligjor.
Kryetari i Bashkisë, Fran Tuci, pjesëmarrës në këtë takim vuri theksin tek rëndësia e gruas në shoqëri dhe vlerësoi rolin e saj në karrierë dhe në familje, si dhe apeloi instancat dhe hallkat përgjegjëse për mosneglizhim të rasteve të dhunës në familje, por të referohen me përgjegjësi dhe të operohet me sanksiniomet ligjore përkatëse, pasi tolerimi i rasteve mund të prodhojë përshkallëzime të mëtejshme deri në tragjedi.
Pjesëmarrësit e tjerë, kryesish gra dhe vajza që operojnë në sektorin publik, drejtuese institucionesh dhe të OJF-ve, krahas inkurajimit, vlerësuan bashkinë për vëmendjen ndaj kësaj dukurie të shëmtuar që zbeh së tepërmi vlerat emancipuese të shoqërisë sonë, si dhe apeuan njëzëri për më shumë hapësira të elemntit femër në nivee drejuese si dhe rritje të roit të saj vendimmarrës.
Kjo ditë shërben jo vetëm për bashkimin e grave pa dallim feje, race, kulture, gjuhe dhe prejardhjeje, por edhe për të kujtuar përpjekjet për barazi, paqe, drejtësi dhe ndërtim në gati 9 dekada.
