Atdheu dhe unë
Kurrë nuk e gjeta veten
pa dashuri.
Ndoshta dashuri ju kam dhënë dhe armiqve,
pa dijeni.
Kurrë nuk e gjeta veten
në pabesi.
Besë t’pabesëve, ndoshta ju kam dhënë,
pa dijeni.
Kurrë nuk e gjeta veten
në tradhti.
Ndoshta tradhtarëve ju kam dhënë ndihmë,
pa dijeni.
Kurrë nuk e gjeta veten
në hajni.
Ndoshta hajnat i kam lënë të vjedhin,
në padijeni
Kurrë nuk e gjeta veten pa liri.
Ndoshta liri ju kam dhënë dhe vrasësve,
pa dijeni.
Kejsit, Klitit dhe Atdheut iu kam borxh,
dhe kur nuk di.











