Ambasadorja Yuri Kim ka konfirmuar edhe njëherë qëndrimin e SHBA-së për luftën kundër korrupsionit në nivele të larta. Në një prononcim për mediat, diplomatja amerikane tha se gjatë qëndrimit të saj disa ditor në SHBA, ka biseduar me zyrtarë të lartë amerikanë në Departamentin e Shtetit dhe Shtëpinë e Bardhë ku i ka informuar për situatën politike në Shqipëri.
Yim u shpreh se SHBA kanë qenë përkrah PD-së kur erdhi për herë të parë në pushtet, ndaj theksoi se shpreson të festojë sërish sëbashku rikthimin e saj në pushtet.
Pas takimit me kryedemokratin Lulzim Basha në selinë e PD-së, ajo thotë se SHBA do të vijojë të mbështesë demokratët dhe se do të vijojë bashkëpunimi i ngushtë.
Diplomatja amerikane thotë se SHBA ka mbështetur PD-në kur erdhi në pushtet në fillim, dhe do ta mbështesë derisa të kthehet sërish në pushtet.
“Sapo jam kthyer para pak orësh nga Uashingtoni ku pata mundësinë për të biseduar me liderë nga të gjitha agjencitë, përfshirë Departamentin e Shtetit dhe Shtëpinë e Bardhë. Sigurisht pata mundësi që të japë informacion shefave të mi dhe zyrtarëve të lartë amerikanë për situatën në Shqipëri. Besoj që mendova që ishte e rëndësishme se sa erdha në PD, për të ndarë me kryedemokratin për atë që mësova në SHBA. Ndava me kryetarin Basha që Uashingtoni mbetet i angazhuar për të punuar më ngushtë me Partinë Demokratike. Sikurse e dimë qeveria e SHBA ka pasur marrëdhënie të fortë me PD që në fillim të saj. Ne ishim aty kur PD erdhi në pushtet për herë të parë, dhe shpresojmë të festojmë sëbashku kur ajo të kthehet në pushtet sërish” – tha Kim.