Kylian Mbappe është aktori kryesor i këtyre ditëve të fundit të merkatos.
Francezi flitet shumë për kalimin te Real Madrid, me këto të fundit që kanë vënë në tavolinë 180 milionë euro dhe nuk kanë marrë ende përgjigje nga PSG.
Ditën e djeshme mediat franceze mësuan se Mbappe ka pasur një bisedë kokë më kokë me drejtorin Leonardo, por sërish nuk është zgjidhur ngërçi për të ardhmen e tij.
Kjo natyrisht i zhgënjeu tifozët e Real Madrid, që e presin me endje.
Edhe veprimet e Mbappe më pas sollën ndjenja negative te tifozët e Real Madrid. Ai postoi një foto me armikun e betuar të Madridit, Leo Messin, gjatë stërvitjes me PSG.
Në Spanjë këtë foto e kanë marrë si konfirmim për qëndrimin e kampionit të Botës në Paris.
