Nga Ermal Spahiu
Leo Messi dhe Cristiano Ronaldo janë futbollistët më të mirë të historisë së shekullit të 21, dhe kjo faktohet nga rivaliteti i tyre i vazhdueshëm.
Leo Messi në Barcelonë, dhe Cristiano Ronaldo në Juventus. Njëri i shquar për besnikëri, ndërsa tjetri për aventurat në ligat më të forta të Europës.
Sa herë duhet të flasim për ta, kemi shumë për të thënë. Mijëra gola, qindra asiste dhe shumë trofe.
Nëse duhet të veçojmë njërin mbi tjetrin, duhet të hulumtojmë për pikat e forta, që njëri i ka më lartë se tjetri dhe anasjelltas.
SportSkeda, ka përpiluar një listë me 5 pikat e forta të Messit, të cilat Ronaldo nuk i ka.
1. Disiplina.
Leo Messi shquhet për disiplinë në fushën e blertë. Një lojtar që përpiqet të ruajë kompozimin e tij, dhe mundohet të shmang nervat gjatë lojës. Në karrierën e tij, argjentinasi është ndëshkuar tri herë me të kuq, në krahasim me Ronaldon që është ndëshkuar 11 herë.
2. Gjuajtjet nga largësia.
Messi ka karakteristikën e tij gjuajtjen e mirë jashtë zonës së penalltisë. 75 gola të shënuar nga largësia, ndërkohë Ronaldo numëron vetëm 57.
3. Roli i krijuesit.
Leo Messi është një krijues gjeni. Këtë karakteristikë e konfirmon kur gjen hapësira të vogla për raste të rrezikshme, kur gjen bashkëlojtarin me një vështrim.
Një aftësi e mrekullueshme e argjentinasit, i cili është në gjendje të krijojë dhe nga hiçi. 305 shërbime për shokët e skuadrës në 778 ndeshje. Ronaldo numëron 229 të tilla në 894 ndeshje zyrtare.
4. Gjuajtjet e lira.
Goditje dënimi, topi në pikën e bardhë, një gjuajtje me hark dhe topi në trekëndëshin e portës. Messi është i aftë të menaxhojë situatën për të goditur saktë nga goditja e lirë.
57 realizime nga Messi, duke kaluar rivalin e tij Ronaldon me 56 të tilla.
5. Driblimi.
I aftë t’i kalojë mbrojtësit lehtësisht me manovrimin e tij të shpejtë dhe teknik. Nuk llogarit sa është numri i mbrojtjes, thjesht përdor mendjen dhe vepron me inteligjencë duke i shmangur me finesë 1 për 1. Jo më kot është arti i tij në lojën me top.
Messi dhe Ronaldo, një rivalitet i destinuar të zgjasë, edhe përtej tërheqjes së tyre nga futbolli.
