Kryeministri Edi Rama të premten iu kujtoi kryebashkiakëve të vendit se roli i tyre për ndryshimin e korrupsionit sistematik tek prokurorimet publike është aq themelor dhe aq i panegociueshëm për qeverinë, Partinë Socialiste dhe për atë personalisht.
Në fjalën e tij, Rama iu bëri me dije se të gjithë ata janë miq të tij, por vija ndarëse mes qeverisë dhe atyre që kanë një post vendor do të skuqet dhe do të skuqet deri në përvëlim.
“Roli që ju duhet të merrni në ndryshimin e korrupsionit sistematik është aq themolor dhe aq i pancegociueshëm me Qeverinë, Partinë Socialiste dhe mua personailisht. Ju jeni shokë dhe miq të mitë, por vija ndarëse mes Partisë Socialiste dhe atyre që kanë marrë një post vendor do të skuqet dhe do të skuqet deri në përvëlim”, tha Rama.
Sipas kryeministrit, arsyeja e tretë pse kryebashkiakët ishin thirrur në këtë mbledhje, ishte domosdoshmëria imediate për regjistrimin e tokës bujqësore.
Rama tha se qeveria nuk do të pranojë të marrë më asnjë kosto publike për zvarritjen e këtij procesi.
“Del dhe tepron justifikimi me të gjithë argumentet përkatëse që ju më të drejtë dhe të padrejtë i keni pasur. Ky proces duhet të futet në një shpejtësi të re dhe që regjistrimi i tokës bujqësore duhet të pëfundojë brenda mandatit të tretë. Kjo është një reformë historike. Ligji i ri që është pjesë e kësaj procedure e ka thjeshtuar punën. Por ky proces nuk mund të nisë masivisht nëse nuk do dorëzohet dokumentacioni përkatës në zyrat e kadastrës.
Agjencia Shtetërore e Kadastrës iu është drejtuar dy herë; njëherë me 7 tetor të 2020-ës dhe njëherë tjetër me 30 mars të 2021, por çfarë ka prodhuar ky drejtim dy herë me shkresë?
Vetëm 10 përqind e bashkive e kanë kryer, por e kanë kryer pjesërisht. Konkretisht vetëm 9 bashki e kanë dorëzuar dokumentacionin përkatës, ndërsa 52 të tjera, nuk kanë dorëzuar asgjë, duke mos dhënë asnjë shenjë që po merren më këtë punë”, tha Rama.
