Korça njihet për shumë ndërtesa karakteristike që janë një vlerë e cmuar e historisë dhe trashëgimisë kulturore të këtij qyteti. Por jo gjithnjë, ndaj katyre vlerave ofrohet qasja e duhur nga instancat shtetërore dhe shpeshherë ato bëhen objekt i “gjuetisë“ politike e cila ndër vite ka zhbërë dhe ka tjetërsuar identitetin kulturor dhe historik të tyre.
Kështu ka ndodhur me shtëpinë e Doktor Polenës, ku hakmarrja prej “pushtuesish“ ka goditur këtë vlerë të identitetit historik dhe kulturor të Korçës
Edhe pse ka patur një leje për restaurim, ditët e fundit kjo ndërtesë e vecantë në vlerat e saj është bërë objekt i ndërhyrjes së Policisë së shtetit dhe Inspektoriatit Kombëtar të Mbrojtjes së Territorit ( IKMT), dukepezulluar lejen restauruese dhe duke konsideruar të paligjshme punimet në ndërtesë.
Në banesën e shpallur Monument Kulture i kategorisë së dytë, rezulton se janë kryer punime me leje rreth 2 muaj më parë, ndërsa reagimi i strukturave shtetërore përgjegjëse ka ardhur këto dy ditët e fundit, duke krijuar dyshime të forta për qëndrime politike të këtyre strukturave ndaj pronarëve të banesës.
Përtej kësaj ngjarje, ne gjendemi përballë një fakti të trishtë që struktura të caktuara në Kor çë, në vend që të bëhen palë në mbrojtjen dhe restaurimin e banesave me një vlerë të vecantë historike dhe kulturore, shqërbejnë si kamikazë të politikës dhe japin një goditje në ruajtjen e këtyre vlerave dhe zbehin së tepërmi pasionin e individëve për ti mirëmbajtur këto banesa si memorie historike që pasqyron hershmëri në vlerat identitare të një qyteti me tradita të mëdha si Korça.
