Tragjedia e ditës së djeshme ku si pasojë e një aksidenti rrugor, u shua një familje e tërë me 4 anëtarët e saj, ka ngjallur shumë reagime nga disa zëra të fuqishëm të opinonit publik. Ish-deputeti lezhian Edurar Ndocaj, përmes një reagimi në profilin e tij, teksa u ka shprehur ngushëllimet familjarëve dhe të afërme të familjes Gushi, ka kërkuar ngritjen e mekanizmave efikas që lidhen me kontrollet e rrepta të policisë rrugore si dhe ka akuzuar direkt klasën politike në vend e cila prej 3 dekadash ka shkatërruar thelbin e shoqërisë shqiptare që është familja.
Pashë sot kortezhin e 4 viktimave të një familjeje! Sa e tmerrshme, po aq kriminale! Kriminale për ato prindër që femjës i kanë blerë një makinë të shtrenjtë dhe s‘i japin një shkollë apo një punë! Kriminale për shtetin dhe policinë që shohin këto fëmijë 18 vjecarë në makina luksoze dhe s‘i ndalojnë për t‘jua sekustruar! Kriminale pËr shoqërinë tonë shqiptare, që është bërë pasive në këto tragjedi, ku askush s’proteston, por me heshtje pranon këtë shoqëri të degraduar në themel, në familje. Kjo politikë ka shkatërruar thelbin e shoqërisë, familjen, ka shkatërruar arsimin, kulturën dhe rininë, duke e drejtuar atë drejt drogës, drejt krimit, drejt mosarsimimit, drejt parazitizmit, drejt injorancës. Pra, kjo politikë që si bazë ka blerjen e votës pa asnje program shoqëror, pa asnjë program kulturor, pa asnjë program arsimor, pa asnje program ekonomik, ka pjellë këtë shoqëri të dhunshme e të paafte për të zgjedhur rrugën e Zotit.
Ngushllime zoti i paste marr ne parajse!
