Nga Paulin Marku, Anetar Keshillit Kombetar të PDSH-së
Zgjedhjet e 13- Qershorit brenda Partisë Demokratike erdhën në një moment aspak të këndshëm për demokratët në përgjithësi dhe qytetarët që besuan ndryshimin në veçanti.
Kandidatët pjesmarrës në këtë garë i dhanë një frymë anëtarësisë ,duke prezantuar programe,alternative,vazhdimësinë ,me qëllim ngritjen dhe forcimin e Partisë Demokratike,nxitjen e debatit të brendshëm, lirisë së fjalës dhe mendimit ndryshe,heqjen dorë nga servilizmat e tepruara dhe të dëmshme ,me qëllimin e vetëm të bashkimit dhe jo ndarjes ,forcimit dhe jo dobësimit ,pranimin e gabimeve në drejtimin 8-vjeçar, korigjimin dhe afrimin e çdo kontribuesi ,për të arritur suksesin jo vetëm të fitores brenda llojit ,por për të larguar sa më parë nga qeverisja këtë klasë politike e cila po dëmton çdo ditë e më shumë jetën e qytetarëve.
Sot më shumë se kurrë kërkohet që secili nga kandidatët që morën pjesë në këtë garë të japin kontributin ,alternativën ,sugjerimet ,mendimet e tyre brenda familjes së madhe në mirëkuptim ,me dëshirë e passion dhe jo duke u përbuzur,larguar,asnjësuar me arsyen se pse kandiduan përballë kryetarit aktual.
Secili që vepron jo në interes të bashkimit ,por të largimit dhe nxjerrjes së armiqve në gjirin e Partisë i bën një dëm të madh me dashje Partisë Demokratike dhe shërbim falas partisë në pushtet.
Historia në vite ka treguar se shumë herë kur kemi patur përçarje ,largime ,pakënaqësi apo mosvlerësime të mendimeve ndryshe kemi patur disfata ,humbje dhe shërbim falas për kundërshtarët politike.
Opozita është e vështirë ,pasi demokratët ,njerëzit e thjeshtë kanë humbur durimin dhe shpresën,të rinjtë dhe të rejat si forcë kryesore lëvizëse e shoqërisë dhe politikës po braktisin çdo ditë vendin.
Në këto moment është dëtyrë kryesore organizimi real strukturor në çdo seksion ,grupseksion e degë të Partisë Demokratike,afrimi i elementëve positive e me ndikim në komunitet,punë e vazhdueshme me rininë në gjitha nivelet ,rritjen e pjesmarrjes së grave në vendimarrje,takime me strukturat në gjitha nivelet,hapja reale e strukturave të Partisë,rishikimi i anëtarësisë reale dhe aktive ,pregatitja e infrastrukturës praktike dhe statuore e përzgjedhjes kandidaturave për zgjedhjet politike vendore,aksione politike me kauza dhe jo lënie në rrugë e tyre,më qëllim ngritjen e frymës dhe afrimin e shpresës.
Qetësia,heshtja dhe mungesa e opozitarizmit dëmton rëndë opozitën dhe demokracinë!
