Kryetari i Partisë Demokratike, Lulzim Basha ka zhvilluar një takim me demokratët e Beratit.
Zoti Basha i kërkon qytetarëve të Beratit që të vazhdojnë betejën e nisur në 25 prill.
“Me përgjegjësinë më të madhe që na kanë ngarkuar shqiptarët përkundër të gjithë kushteve të betejës së 25 prillit, jam këtu t’ju kërkoj të vazhdojmë së bashku këtë përballje. I vetëdijshëm për të gjitha çfarë kemi arritur bashkë, pavarësisht asaj dhe atyre që kishim përballë, por po kështu të gatshëm për të pranuar, për të ndrequr gjithçka që është në dorën tonë për t’u ndrequr.”
Basha në fjalën e tij tha se kundërshtari nuk do të PD të vazhdojë betejën e bashkuar. Duke përmendur ftesën e kryeministrit Rama për bashkëpunin, kryedemokrati thotë se “hajduti e di krimin që ka bërë.”
“Se gjëja e parë që kundërshtari ynë nuk do, është që ne të vazhdojmë të bashkuar dhe së bashku rrugën që kemi nisur. Keni parë, s’ka as festë, as buzëqeshje. Ka vetëm dredhira dhe diversione. Ftesa për bashkëpunim për vija të kuqe, pse? Hajduti e di krimin që ka bërë. Dhe përmes diversioneve, apo akoma më keq ftesave për bashkëpunim pa vija të kuqe, mendon se do ta hedh dhe do ta kalojë lumin.”
