Me kënaqësinë më të madhe sot lançoj nismën «Eureka», Nisma Eureka – një iniciativë rinore dhe vullnetare që ka si qëllim përmirësimin e arsimit në Shqipëri, promovimin e lëndëve STEM (shkencave ekzagte) dhe mbështetjen e nxënësve që synojnë ti studiojnë ato.
« Eureka » nuk lindi rastësisht si një nismë. I shtyrë nga gjendja alarmante e arsimit parauniversitar në Shqiperi, unë e shoh Eurekën si nje rreze drite në fund të tunelit dhe si shpresën e humbur prej kohesh. Gjendja skandaloze e kurrikulave të tanishme, mënyrat prapanike të vlerësimit të nxënësit, interesi i humbur ndaj lëndëve STEM si pasojë e mënyrës se si ato trajtohen dhe mungesa e aktiviteteve ekstrakurrikulare janë më se mjaftueshëm për të kuptuar gjendjen e rëndë te arsimit parauniversitar në Shqipëri dhe i shtyrë nga kjo vendosa të themeloja Nismën Eureka.
Si një nismë vullnetare ne nuk do të reshtim së përpjekuri për tu kthyer në faktor për ndryshimin e shumëpritur dhe sot më shumë se kurrë kemi nevojë për ndihmën tuaj. Kemi nevojë për kontributin tuaj të çfarëdolloj forme, qofshi nxënës, student, prind, mësues, pedagog a qytetar i thjeshtë që kerkoni të jepni kontributin tuaj. Nuk është koha për të qëndruar në heshtje.
Është koha për të ngritur zërin!
