Ish-kryeministri Sali Berisha përmes një konference për shtyp sot deklaroi se do ta hedhë në gjyq Sekretarin Amerikan për shpifje kundrejt tij duke e akuzuar z. Blinken për montazh politik kundrejt figurës së tij.
Berisha tha se qenë një admirues i vendit të lirisë, por çështja e dinjitetit është çështja më thelbësore e njeriut.
Berisha: Sekreti Blinken është bërë autori i një montazhi politik për të dëmtuar mua, kjo nuk futet në funksionet e tij. Asnjë qeveri, cila do qoftë ajo nuk mund të ketë funksion shpifjen e përbaltjen. Sipas avokatit tim, me të cilin jam konsultuar, ai nuk është i mbrojtur me imunitet, prandaj do ta padis në Gjykatën e Parisit.
Ky vendim ka ardhur si i paparashikuar në jetën time, se kam qenë një admirues i vendit të lirisë, por çështja e dinjitetit është çështja më thelbësore e njeriut. Nëse preket dinjiteti dhe nderi, zhvlerësohet njeriu për familjen dhe komunitetin ku jeton. Unë kam qenë president e kryeministër, dhe kam qenë përgjegjës për dinjitetin e këtij populli. Sot jam qytetar privat dhe përgjigjem për dinjitetin tim.
