Komisioni i Ankimeve dhe Sanksioneve në KQZ vendosi javën e kaluar të hapë kutitë e 24 qendrave të votimit me materialet zgjedhore në qarkut e Beratit, pas ankimimeve të bëra nga Lëvizja Socialiste për Integrim
LSI ngriti pretendimin se në disa prej kutive të votimit mungojnë raportet e pajisjes së identifikimit elektronik PEI, ndërsa në disa të tjera këto raporte janë ngatërruar qëllimisht.
Nga hapja e 6 kutive të para në KAS është vërtetuar në njërën prej tyre pretendimi i LSI, ku mungon raporti i identifikimit elektronik.
Pikërisht në kutinë NR. 3446 nuk gjendet raporti PEI, dhe për këtë arsye do të numërohen firmat e të gjithë votuesve nga lista e zgjedhësve.
Kujtojmë se hapja e kutive do të bëhet për të marrë në cilësinë e provës të materialeve zgjedhore si procesverbalet e votimit, raportin e pajisjes së identifikimit elektronik dhe regjistrin e zgjedhësve me nënshkrimet, për të bërë nmë pas rrëzimin ose jo të pretendimeve të opozitës.
