Personi që shihni në fotot e mëposhtme është Mehmet Qema, personi që u vra mbrëmjen e djeshme.
Autori i dyshuar i ngjarjes së rëndë është M. D. Në momentin e vrasjes, viktima ishte ulur në tavolinat e jashtme të një lokali, së bashku me pesë djem të tjerë, ku kanë qëndruar në shoqërinë e njëri-tjetrit për disa orë.
Në foto 27-vjeçari shfaqet me tatuazhe të shumta në trup, me orë dhe varse.
Viktima rezulton pa precedent penal. Shtatë persona janë shoqëruar deri tani.
Policia thotë se grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave të ngjarjes, si dhe mbledhjen e çdo prove të mundshme që do të çojë në identifikimin dhe kapjen e autorit.
