Preng Shkurt Nikolli,lindi në vitin 1908 në Grykë-Orosh Mirditë,në një familje me tradita. Në periudhën e Mbretërisë ishte ushtarak me gradën nëntoger. Pas mbarimit të luftës, bëhet pjesë e rezistencës antikomuniste bashkë me vëllezrit.
Pas një amnistie të vitit 1946, kthehet në shtëpi. Arrestohet në Tiranë, pasi u vra Bardhok Biba me 7 gusht të vitit 1949. Me 17 gusht të vitit 1949, për vrasjen e Bardhok Bibës, u ekzekutuan padrejtësisht pa gjyq 14 burra të nderuar të Mirditës, në Qafë të Valmirit, në vendin ku ishte vrarë Bardhok Biba.
U varën në litar: Ded Preng Kola, Pjetër Ded Vila, Dod Mark Biba, Dod Llesh Paloka.
U pushkatuan: Nikoll Bardhok Bajraktari, Llesh Gjon Melyshi, Nikoll Llesh Bajraktari, Ndrec Mark Ndoj, Bardhok Dod Gjini, Gjin Gjok Kaçi, Gjergj Beleshi (vritet për të vëllanë Dodën), Ndoc Gjet Cupi, Preng Shkurt Nikolli, Frrok Mata. Lavdi!
