Interi është kampioni i Italisë për sezonin 2020-2021, duke i dhënë fund dominimit të Juventusit. Ky është titulli i 19-të. Zikaltërit e kanë festuar këtë titull kampion që i mungonte prej më shumë se një dekade nga divani, pasi ishin në pritje të rezultatit të Atalantës sot dhe kur skuadra e Gasperinit nuk ka arritur suksesin, i siguroi zikaltërve matematikisht distancën që i nevojitej për të hapur shampanjën e festës.
Atalanta luante ndaj Sasuolos një ndeshje e cila nisi shumë keq për ekipin zikaltër, pasi portieri doli me të kuq që në minutat e parë. Megjithatë, Gosens i dha avantazhin bergamaskëve të cilet më pas u përpoqën të mbroheshin. Gjithsesi, një penallti e Berardit në pjesën ë dytë barazoi shifrat në 1-1, një rezultat që nuk ndryshoi më deri në fund, edhe për faktin se Muriel shpërdoroi një penallti.
Kështu, Atalanta mbeti në kuotën e 69 pikëve, aq sa Milani, duke qenë 13 pikë larg Interit që me 4 javë të mbetura për të luajtur, ka siguruar përfundimisht titullin. Ndërkohë, mbetet e hapur lufta për Champions pasi Napoli barazoi me Kaljarin me shifrat 1-1 në shtëpi dhe është në vendin e katërt me 67 pikë. Osimhen kaloi para napolitanët, ndërsa Nandez barazoi rezultatin në minutën e 94-t të ndeshjes.
Reagimet e gazetave sportive në Itali
