Është mbyllur procesi i numërimit të votave për subjektet politike edhe në Tiranë, ku situata qëndron e pandryshuar pothuajse që dje paradite.
Në Tiranë PS ka marrë 226842 vota ose 48.7%. PD 182335 vota, ose 39.1%, LSI 27945 vota ose 6% dhe PSD 13273 vota, ose 2.8%.
Mandatet ndahen 18 për PS, 15 për PD, 2 LSI dhe 1 PSD.
Ndërkohë që në faqen e KQZ nuk janë reflektuar ende të dhënat për kutitë e fundit të qarkut të Tiranës. Pa pasur ndonjë surprizë sa i takon votimit preferencial për kandidatët, jashtë Kuvendit mbeten Pandeli Majko, Mimi Kodheli apo Fatmir Xhafaj, ndërkohë që nga PD mbeten jashtë Aldo Bumcci, Ivi Kaso apo Ori Nebiaj.
E 15-ta në listë nga PD ishte e renditur deputetja Orjola Pampuri.
Në rang vendi PS ka siguruar 74 mandate, PD 59, LSI 4 dhe PSD 3.
