DURRES– Shumëkush u habit nga fitorja e thellë e Partisë Socialiste në Durrës, atje ku rezultati u nda në 8 mandate për PS, 6 mandate për Partinë Demokratike. Por teksa orët kalojnë, disa fakte qartësohen më mirë. Aranita Brahaj, drejtoresha e Open Data, ka publikuar vëzhgimin për Bashkinë e Durrësit. Për 1 muaj të fushatës, elektorale, Bashkia Durrës shpërndau 6 milion euro për rindërtimin e banesave nga vetë qytetari. Këto pagesa u bënë gjatë fushatës, në një vlerë, 89 herë më shumë sesa nga muaji dhjetor 2019 deri në 25 mars 2021. Thënë ndryshe, PS mbajti peng paratë e qytetarëve, që iu takonin pas dëmtimit nga tërmeti, për t’jua dhënë në kulmin e fushatës elektorale.
SHKRIMI I PLOTË I ARANITA BRAHAJ:
Java Zgjedhore Bashkia Durrës ndan 6 milion Euro për Rindërtim Banese nga vetë Qytetari, Transaferta vetëm për Individin.
89 herë më shumë sec ka shpërndarë për këtë kategori shpenzimi nga Dhjetor 2019 deri 25 Mars 2021. (15 muaj).
Ndërsa presim Rezultatet e Zgjedhjeve në Bashkinë Durrës.
Nga data 25 Mars (fillim fushate) deri në datën 26 Prill Janë urdhëruar në Thesar nga Bashkia #Durrës në total 744 469 274 Milion lekë (të reja) si transaferta për Individin që do ta rindërtojë vetë banesën. (kodi i pagesës në Thesar është 6060099), http://spending.data.al/…/2021…/to_date_reg/2021-04-26
Po ta krahasojmë pagesën për këtë Kategori Shpenzimi nga 1 dhjetori 2019 (muaji i parë pasoja tërmeti) deri më 25 Mars 2021 (dita e parë e Fushatës) vlera e ekzekutimeve është vetëm 6 637 194 Milion lek (të reja). (kategoria e shpenzimit është 6060099).
Zëri më lart është i ndryshëm nga Transaferta për Individ Qiradhënie (6061099).
Pse PS dhe Bashkia pa Kryetar priten 15 muaj nga Tërmeti për të dhënë para të thata familjeve për të cilat banesat do të rindërtohen nga vetë banorët?
A do kishim këtë rezultat nëse pagesat do bëheshin në dhjetor,shkurt apo në janar??
Pse përshkrimet e pagesave në Thesar nuk kanë një Nr të Vendimit që bën të mundur këtë pagesë??
