Arjan Çani, ka deklarura në emisionin “Të Paekspozuarit” nga Ylli Rakipi në MCN TV, se Edi Rama e ka pranuar humbjen në Tiranë dhe u ka thënë anëtarëve të shtabit socialistë të largohen drejt banesave të tyre.
“Më vjen një informacion nga mazhoranca, Rama i ka dhënë porosi shtabit në Tiranë që të largohen nëpër shtëpi sepse Tirana është e humbur. E ka thënë me qetësi, mund të ikni në shtëpi, sepse ka parë që Tirana është e humbur“, tha Çani.
Çani tha se njeriu që ka dështuar në Tiranë, është Erion Veliaj, drejtues politik në këto zgjedhje.
“Erion Veliaj ka dështuar. Vetë Baton Haxhiu e nxjerr opozitën në Tiranë fituese.
Njeriu që drejtoi fushatën e Tiranës, sot është i dështuar.
Po të isha Edi Rama nuk e di si do të sillesha, sepse ai i’a besoi atij fushatën“, tha Çani.
