Kandidati për deputet i Aleancës “Demokracia e Re, Eduart Ndocaj që kandidon në qarkun e Lezhës, përmes një video-mesazhi u është drejtuar sot pasdite bashkëqytetarëve të tij, duke u kërkuar votën e tyre në zgjedhjet e 25 prillit.
Ndocaj, apelon në mënyrë të vecantë banorët e fshatit të tij të linjdes Manati, së cilëve u është drejtuar me një thirrje modeste, duke nënvizuar vlerat morale që karakterizon banorët e këtij fshati dhe se ai është biri i tyre, ndaj dhe nuk gjej asnjë motiv për të mos më dhënë besimin tuaj.
Duke u kërkuar ndjesë për pamundësinë e takimeve me të gjithë banorët, pasi i ati ndodhet në një nga spitalet e Tiranës dhe po lufton fort me jetën, i prekur nga covid-19, Ndocaj sqaron ndjekësit e tij, se kjo situatë e pandemisë ka krijuar një distancë me zgjedhësit dhe se ai është përpjekur të respektojë protokollin e masave mbrojtëse, por ka shfrytëzuar rrjetet sociale për të komunikuar dhe për të ndarë problematikat e fushatës.
Video-mesazhi i Ndocajt:
