Kandidati për deputet në qarkun e Lezhës, që konkuron për “Aleancën Demokracia e Re”, Eduart Ndocaj, ka lëshuar një thirrje të fortë për zgjedhësit shqiptarë, duke kërkuar që me 25 prill duhet të ndahen njëherë e përgjithmonë nga komunizmi dhe krimi i organizuar që mban peng të ardhmen e vendit tonë.
“Me besimin në Zot dhe në vullnetin e zgjedhësve që duan zhvillimin e këtij vendi, shqiptarët duhet të orientohen më 25 prill drejt të ardhmes së fëmijëe të tyre, të cilën e ka vrarë sekti kriminal dhe ogurkeq që qeveris Shqipërinë”, apeloi “kaubojsi”, i cili shigjetoi kryeminstrin Rama dhe qeverisjene tij, që nuk prodhoi asgjë në dobi të shqiptarëve.
Në video-mesazhin e përcjellë, Ndocaj nënvizoi rëndësinë jetike të këtyre zgjedhjeve, pasi Shqipëria është ngërthyer nga segmented e krimit të organizuar që po gërryen cdo sektor strategjik dhe arteri ekonomike në favor të interesave të tyre.
Shqipëria është më shumë se kurrë larg qëllimeve dhe përpjekjeve të saj integruese, pasi gjatë këtyre 8 viteve, mafia e sektit mavi ka gllabëruar paratë dhe pasuritë e shqiptarëve, si dhe ka asfiksuar jetën demokratike duke e shndërruar në system monopartiak.
Në video-mesazh, Ndocaj fton shqiptarët të votojnë kandidaturën e tij dhe listën e koalicionit ADR, si shpresë dhe mundësi për të patur përfaqësues të denjë në Kuvendin e Shqipërisë.
