Ish kryeministri Sali Berisha ka deklaruar se ka kaluar koronavirusin.
Ai tregoi eksperiencë e tij teksa theksoi se e ka kaluar si një grip në formën më të zakonshme.
“Unë kalova një grip në formën më të zakonshme. Kjo është dhe arsyeja e vërtetë që unë nuk e bëra publike. Unë thashë nëse kjo kalon në stadin e rrufrave të zakonshme unë nuk do ta bëj publik. Unë pata vetëm një shenjë që ishte një rrufë disa ditore dhe dy ditë kam pasur një temperaturë prej 37 e gjysmë. Në shkurt unë kam punuar çdo ditë njëlloj, nuk më ka cënuar aftësinë për punë”, u shpreh Berisha në studion e ABC.
Ish kryeministri thekson se gjatë kësaj kohe ka bërë shumë herë karantinë pasi ka pasur kontakt me personë të infektuar.
“Unë shumë herë kam pasur shumë karantina pasi kisha kontakt me persona që kishin takuar të infektuar me koronavirus. Aspekti më i vështirë ishte procesi i karantinës, ajo duhet të zbatohet dhe duhet të jemi seriozë”, ka thënë Berisha.
