Një aksident i rëndë ka ndodhur në Rrogozhinë. Si pasojë e aksidentit ka humbur jetën një person dhe janë plagosur tre të tjerë të cilët janë dërguar me urgjencë drejt spitalit të Durrësit.
Policia ka njoftuar se në aksident janë përfshirë tre automjete. Përplasja ka rezultuar fatale për shtetasin T.M., rreth 54 vjeç. Në mesin e personave të plagosur është edhe një fëmijë që ka qenë pasagjer në një prej mjeteve.
Policia ndodhet në vendngjarje dhe po punohet për sqarimin e rrethanave të aksidentit.
Njoftimi i policisë:
Në Rrogozhinë, janë përfshirë në përplasje 3 mjete. Si pasojë e aksidentit ka humbur jetën në vendngjarje njëri prej drejtuesve shtetasi T. M., rreth 54 vjeç, ndërsa 3 shtetas të tjerë janë dërguar në spital, ndodhen nën kujdesin e mjekëve. Vijon puna nga grupi hetimor për sqarimin e rrethanave të aksidentit.
