Ditën e sotme kryedemokrati Basha pritet të dorëzojë në Komisionin Qëndrorë të Zgjedhjeve listën e koalicionit opozitar, me të cilin PD do të hyjë në zgjedhjet e 25 Prillit.
Kolaicioni me të cilin opozita do të kandidojë përballë socialistëve quhet “Shqipëria Fiton” dhe do të nënshkruhet ditët e sotme nga Basha dhe aleatët e tij.
Pjesë e koalicionit mësohet se do të jenë të gjitha partitë pjesëpërbërse të Opozitës së Bashkuar me përjshtim të LSI-së, e cila pritet të dal me listën e saj në zgjedhjet e përgjithshme.
Nga ana tjetër forcat politike të udhëhequra nga Fatmir Mediu dhe Shpëtim Idrizi pritet të firmosin ditën e sotme marrëveshjen me Partinë Demokratike dhe do të jenë brenda listës së saj të kandidatëve për deuputet.
Ditën e djeshme kryedemokrati Basha pati një takim kokë më kokë me Monika Kryemadhin, takim ky i cili zgjati rreth 90 minuta dhe arriti në vendimin e daljes në lista të veçanta të LSI-së dhe PD-së më 25 Prill.
Kujtojmë se e mërkura është afati i fundit për Lulzim Bashën që do të dorëzojë në KQZ, listën e koalicionit opozitar dhe emrin, që tashmë është zgjedhur.
Të gjithë partitë që do të jenë në koalicion me PD janë regjistruar në KQZ, por emrat e kandidatëve të tyre do të jenë të përfshirë në listën e Partisë Demokratike dhe do të bëhen publike në 5 mars.
Krahas PR dhe PDIU, pjesë e koalicionit opozitar pritet të jenë Partia Demokristiane e Nard Ndokës, PBDNJ e Vanjgjel Dules, LZHK e Dashamir Shehit dhe me LSI mund të përdoret një form hibride koalicioni, ku në qarqet e mëdhaja mund të garojnë të ndarë dhe në qarqet e vogla të bashkojnë forcat në një front.
Të gjitha këto pritet të qartësohen ditën e sotme zyrtarisht me dorëzimin e listës së koalicionit ‘Shqipëria Fiton’ në KQZ.
