Kryetari i Partisë Republikane, Fatmir Mediu, ka zhvilluar sot një takim me kreun e PD-së, Lulzim Basha.
Në përfundim të takimit, Mediu tha për mediat se e kishte arritur një marrëveshje me Bashën, pa dhënë më tepër detaje.
“Do të garojmë në një koalicion me PD-në.
Ka një analizë të thjeshtë. Mund ta bëni vetë llogarinë se sa u takojnë PD-së dhe partive të tjera politike. Ajo që unë mund të them është PR-ja do të jetë e gatshme të marrë votat në Dibër dhe Kukës.
Qëllimi është maksimizimi i votave. Unë mendoj që, programi që ka paraqitur PD-ja për opozitën është i plotë.
Nuk besoj që kemi dallime, por ka specifika që të gjitha partitë do të donin të bënin kontribuimin.
PR-ja do të donte të kishte një qasje më të drejtpërdrejtë në çështjen e të përndjekurve politikë, etj.”, tha Mediu.
