Çështja e emigrimit të shqiptarëve dhe sidomos të rinjve, ka përplasur sërish në distancë kryetarin e Partisë Demokratike Lulzim Basha dhe kryeministrin Edi Rama.
Lideri i demokratëve reagoi me një postim në Facebook për t’ju përgjigjur deklaratave të kryeministrit nga Vlora, ku tha se largimi i të rinjve nga vendi është një fenomen që ndodh në të gjitha vendet ish-komuniste.
Sipas Bashës, Rama nuk e ndal dot largimin e rinisë shqiptare pasi “për 8 vjet me radhë ti jo vetem ke dështuar në parandalimin e emigracionit, por prej keqqeverisjes tënde ai mbërriti rekorde prej qindra e mijëra shqiptarësh që braktisin vendin”.
Por Basha thekson se PD e ka një plan pune për ta ndalur ‘hemoragjinë’ e ikjes së të rinjve.
“Ne kemi një plan pune: taksa më të ulëta, thithje të investimeve te huaja, mbështetje financiare për çdo të ri shqiptar që kthehet të punojë e të jetojë në Shqipëri, krijimin e vendeve të reja të punës dhe mbeshtetje e stimulim te sipërmarrjeve të të rinjve.
Më 25 prill shqiptarët do të zgjedhin një qeverisje që do ta nxjerrë Shqipërinë nga balta dhe do të na kthejë të rinjtë në atdhe.” shkruan Basha.
REAGIMI I PLOTE I BASHES
Edi, ti thua se ti nuk ke mënyrë si ta ndalësh emigrimin.
Jam në një mendje me ty, ti nuk ke si ta ndalësh. Për 8 vjet me radhë ti jo vetem ke dështuar në parandalimin e emigracionit, por prej keqqeverisjes tënde ai mbërriti rekorde prej qindra e mijëra shqiptarësh që braktisin vendin.
Po ne e kemi një mënyrë. Ne kemi një plan pune: taksa më të ulëta, thithje të investimeve te huaja, mbështetje financiare për çdo të ri shqiptar që kthehet të punojë e të jetojë në Shqipëri, krijimin e vendeve të reja të punës dhe mbeshtetje e stimulim te sipërmarrjeve të të rinjve.
Më 25 prill shqiptarët do të zgjedhin një qeverisje që do ta nxjerrë Shqipërinë nga balta dhe do të na kthejë të rinjtë në atdhe.
Shqipëria do të fitojë!
