Pas prezantimit të programit pak ditë më parë, Partia Demokratike vijon shpjegimin më në detaje të platformës së saj për shëndetësinë nëse do të vijë në pushtet pas 25 prillit.
Përmes një video të shkurtër, Liljana Ramasaçi e cila është eksperte e shëndetësisë pranë PD-së tregon se si do të garantohet për shqiptarët furnizimi me ilaçe cilësore.
Pyetja-Jona: Përshëndetje Liljana! Mamaja ime paguan çdo muaj 5.000 lekë shtese ilaçe nga receta e mjekut. Me programin tuaj çfarë do të ndryshojë?
Përgjigja-Liljana Ramasaçi: Fillimisht nëpërmjet reformës në shëndetësi ne do të garantojmë fillimisht sigurinë dhe cilësinë e barnave për mamanë tuaj.
Ne do të hartojmë protokollet e mjekimit për çdo sëmundje, që do të thotë barna bashkëkohore dhe të sigurta të cilat do të rimbursohen nga sigurimet shëndetësore.
Në këtë mënyrë, mamaja juaj nuk do të paguajë asnjë shtesë për mjekimin e saj cilësor dhe të sigurt.
Mos harro më 25 prill, Shqipëria fiton shëndetësinë.
