Kreu i Partisë Social-Demokrate Tom Doshi është zyrtarisht kandidat për deputet në zgjedhjet e 25 prillit.
Në mbledhjen e sotme të Komisionit Shtetëror të Zgjedhjeve, kreu i këtij institucioni Ilirjan Celibashi u shpreh: “Meqenëse dokumentacioni i paraqitur nga PSD për tu regjistruar si subjekt zgjedhor është në përputhje me parashikimin e kodit vendosi regjistrimin e PSD si subjekt zgjedhor”.
Sjellim në vëmendje që emri i Tom Doshit shkaktoi një debat në opinionin publik, pas reagimit të ambasadores Yuri Kim. Kjo e fundit përmes një postimi në “Twitter” solli në vëmendje që Tom Doshi është në listën e zezë të DASH, duke u shprehur se shqiptarët meritojnë më shumë.
Ndërsa në një postim të dytë pak ditë më vonë, kryediplomatja amerikane u dha fund spekulimeve, duke u shprehur se Edi Rama e ka siguruar se ai nuk do të ketë rol në qeverinë që ai do të formojë pas zgjedhjeve.
“Në fakt, kryeministri më kujtoi se ai e kishte përjashtuar personalisht këtë person nga Partia Socialiste. Ai theksoi se ky person nuk do të ketë asnjë rol në asnjë qeveri që Rama do të formojë”, shkruan Yuri Kim në Twitter.
