Në Kombinat Qendër e njëjta situatë kaotike. Banorët e këtushëm të prekur nga tërmeti janë larguar nga kjo zonë për t’u vendosur në Vaqarr me justifikimin se zona do të rikonstruktohet. Shpërngulja e imponuar është bërë pa asnjë kontratë dhe marrëveshje të ligjshme. Banesat e reja kanë sipërfaqe më të vogël se shtëpitë e dëmtuara.
Një banore ngriti shqetësimin se kryebashkiaku Erion Veliaj, gjatë rregullimit të një parku të vogël, i ka zaptuar tokën pa kurrëfarë dokumenti, dhe se zonja e ka të faktuar se ai truall është pronë e saj e blerë prej vitesh.
Një banor tjetër, pjesëtar i minoritetit egjiptian deklaroi se nuk ka marrë asnjëherë asistencë sociale që kur PS ka ardhur në krye.
Ndonesë ka kaluar mbi një vit nga tërmeti, janë prishur vetëm 4 pallate ndërsa 33 të tjerë presin radhën. Koha ka ngecur. Duket sikur tërmeti ka ndodhur dje. Banorët janë të alarmuar nga mënyra se si po veprohet. Asnjë marrëveshje e shkruar me shtetin. Vetëm fjalë. Koha kalon dhe banorët presin punë konkrete. Shumëkujt i refuzohet ndihma ekonomike sepse trajtohet si i krahut tjetër. Ndasi të tilla për shkak të bindjeve politike dhe ngjyrës së lëkurës e turpërojnë Shqipërinë. Më 25 prill të nxjerrim vendin nga bataku! Nuk ka rrugë tjetër. Ndryshimi do të vijë!
