Kreu i Partisë Demokratike, Lulzim Basha, ka reaguar pas sulmeve të kryeministrit për programin e PD-së.
Basha tha se Rama është në ditët e fundit, madje duke u tallur, u shpreh se kryeministri, nuk kuptoi asgjë për tetë vite nga ekonomia, por se do të fillojë të mësojë ekonomi, sapo të dalë në pension pas 25 prillit.
Basha përsëriti premtimin e PD-së, se do të ulë taksat, duke aplikuar taksën e sheshtë prej 9%.
“Lodhjen dhe dëshpërimin që e ka kapur, e fshehur në sulmet bajate, të paktën tani në ikje fillon dhe i pranon disa nga dështimet e veta. Sigurisht taksa progresive ka dështuar, ka pasuruar oligarkët dhe ka varfëruar shqiptarët.
Kjo është arsyeja përse me taksën e sheshtë 9% fiton Shqipëria dhe shqiptarët. Humbet ai me një grusht shokësh të tij!“, tha ndër të tjera Basha. /TPZ.al
