Partia Demokratike ka caktuar nënkryetarin Edi Paloka drejtues politik të qarkut të Durrësit. Burime konfirmojnë lajmin për gazetarin Juxhin Mustafaraj.
Pas konsultimit të degës së PD në Durrës, duket se me kalimin e Palokës në këtë qark Basha synon të “blindojë” edhe Shijakun, Krujën dhe Fushë-Krujën.
Paloka është emri i katërt i caktuar si drejtues në Durrës, pas Vlorës, Shkodrës dhe Fierit. Më herët strukturat e PD kanë caktuar Helidon Bushatin drejtuesin e demokratëve në Shkodër. Në Fier u emërua ish-deputeti Enkelejd Alibeaj dhe në Vlorë Bujar Leskaj, ish-ministër i qeverisë Berisha dhe ish-kryetar i KLSH-së.
Pritet që PD të bëjë publikë në javët në vijim edhe emrat e drejtuesve të tjerë politike të qarqeve.
Nga ana tjetër, Partia Demokratike ka përmbyllur fazën e parë të përzgjedhjes së kandidatëve për deputetë, ndërkohë që pritet që kryesia e Partisë Demokratike të vlerësojë produktin e Komisionit të Vlerësimit të Kandidatëve.
