Prona pronarit, e jo zullumqarit!
Nëse komunizmi erdhi me konfiskim pronash, demokracia duhet të vinte me rikthimin e tyre tek pronarët e ligjshëm.
Partia Lëvizja e Legalitetit me pronarët e ligjshëm dhe pro rishikimit të ligjit 7501 !
Pa të drejtën e pronës nuk ka demokraci, investim e zhvillim, një ndër të drejtat themelore të njeriut, nderkomtarisht në demokraci e me kushtetutë eshtë e drejta që kushhdo të gëzoj pronën e Tij që i takon.
Prona trashigohet, blihet, dhurohet nga një palë që e ka atë e jo i merret pronarit të ligjshëm dhe i jepet dikujt tjetër, kjo nga shteti me ligje mafioze të nxjerra prej tij, këtë e bëjnë vetëm regjimet diktatoriale.
Prandaj!
Partia Lëvizja e Legalitetit e ka pasur dhe e ka një ndër kërkesat kryesore programore të saj kthimin e pronave tek pronari i ligjshëm.
Kjo pikë programore nuk ka qenë thjeshtë për votë dhe abuzim por është një kërkesë tradicionale që buron nga filozofia zogiste se prona eshtë një e drejtë themelore e atij që e posedon atë dhe në thelb të së drejtës së shtetit ligjor qendron e drejta e pronës.
Për shqiptarët, zgjidhja e çeshtjes pronës e lënë qëllimisht peng në moszgjidhje, e shfrytëzuar politikisht për votë se do e zgjidhim gjoja këtë çeshtje, sot është një detyrë e domosdoshme dhe aktuale për të shuajtur njëherë e mirë çdo padrejtësi, konflikt social e mos zhvillim si duhet të kësaj prone.
Kthim tek i zoti i pronës së trashëguar, do të jetë një veprim që rregullon problemin më shqetësues, atë të perverësimit të saj nga grupet e mafies kriminale që kanë kapur nga gryka politikën dhe ekonominë shqiptare e përsëris gjoja “në emër të ligjit” e për rrjedhojë po përvetëson pronat e trashëguara të pronarëve.
Duhet të kërkohet me patjetër Rishikim i ligjit 7501, toka të i njihet juridikisht pronarit të ligjshëm dhe ky mundet dhe duhet rregulloj po ligjerisht marrdhëniet me fermerët që e janë dhe e punojnë atë duke krijuar edhe mundesinë e bashkëpunimit në grupe edhe më të medhaja, e pranuar kjo ndoshta edhe nga shoqatat e pronareve në Shqipëri, prandaj kerkohet bashkepunim ne nivel ekspertesh me keto shoqata gjithmonë në mbrotje të çdo pronari.
Kjo patjeter kerkon një analizë dhe punë serioze me perfshirje të shumë palëve dhe me dakortësinë mes tyre.
Për pronat e zëna për qëllime publike kërkohet kompesim i tyre me vlerë monetare sipas çmimit të tregut ose kompesim fizik me pronë në vendet ku prona ka vlerë e mund të përdoret.
Fatkeqësisht pronat shtetërore me vlerë janë përlarë nga mafia e pushtetit dhe prona pa vlerë dhe të pashfrytëzuar janë lënë gjoja për kompesim.
Ajo që eshtë më shqetësues dhe totalisht e padrejtë që kërkon nderhyrje emergjente eshtë moskthimi, tjetersimi i shumë pronave të konfiskuara pas 1944 prej komunizmit, privatizimi i pronave shteterore të ndertuara mbi truallin e pronarëve prej zullumqarëve dhe njerëzve të lidhur me pushtet nga viti 1944 e deri sot.
Prandaj një tjetër gjë që sot duhet të kërkohet nga një shtet serioz eshtë edhe vërtetësia e origjinës së pronës prej kujtdo që posedon një pronë të perfituar në mënyrë të dyshimtë në kurriz të tjerëve.
Që të krijohet një stabilitet social dhe ekonomik prona duhet të shkoj tek i zoti.
Kjo do ishte nje e drejtë që do e afronte më tepër Shqipërinë me vendet e tjera të BE, kusht i vendosur prej tyre, dhe do të bënte të mundur rritjen e investimeve të huaja serioze e afatgjate në Shqipëri.
Moskthimi i pronës tek pronari i ligjshëm deri më sot dhe shfrytëzimi i kësaj çeshtje për interes kanë qenë dhe mbeten nje nga aktet më antishqiptare tek ne.
Nëse komunizmi erdhi me konfiskim pronash demokracia duhet të vinte me dhënien e tyre pronarëve të ligjshëm.
Shtet-Pronë-Drejtësi.??
