Pas vendimit të djeshëm të qeverisë për dhënien e trajtimit të vecantë për familjen Rasha, pas vrasjes së të birit të tyre, Klodianit 25 vjecar nga një efektiv i repartit “Shqiponja”, reagimet kanë qenë të shumta, të cilat vijnë në kontekstin e dyshimeve të këtij veprimi, duke patur parasysh shpërthimin e protestave, por dhe në kuadër të cilësimit që i është bërë në VKM kësaj vrasjeje, duke e konsideruar si “aksidentale”humbjen e jetës së të riut.
Ish-deputeti Ndocaj, i njohur për ndjeshmërinë dhe humanitetin, ka reaguar në mënyrë cinike, duke perifrazuar një shprehje popullore, që shpreh më së miri situatën groteske që lidhet me përpjekjen mjerane të Ramës për të kapitalizuar politikisht këtë tragjedi. “Këta të vrasin natën dhe të qajnë ditën“, -shprehet Ndocaj, i cili ndër të tjera ka ndërtuar një paralele në mes Edvinit dhe Kristaqit, të dy këta, babë dhe bir kanë në ADN e tyre, vrasjen dhe ushqehen shpirtëtrisht nga gjaku i qytetarëve të pafajshëm.
Ish-deputeti Ndocaj, një nga zërat më reagues ndaj qeverisjes, e ka cilësuar kryeministrin Rama, bashkëpunëtor në vrasjen e Klodianit, ndaj dhe ai bëri u kujtoi shqiptarëve se “këlyshët e komunizmit”, të gjithë një sjellje kanë, ngado qofshin ata, pa dallim feje dhe krahine.
