“U rrita me golat e tij”, ish-deputeti Ndocaj homazh në nderim të Maradonës: Ky ishte dhe mbetet ZOTI I FUTBOLLIT!

Me energjinë që e karakterizon, ai gjen gjithnjë “sebepe”, për të qenë aktiv, si dhe për të përmbushur në mënyrën më të mirë të mundshme axhendën ditore me veprimtari që japin i emocion.

I tillë është ish-deputeti lezhian Eduart Ndocaj, që me nofkën “kaubojsi”, solli disa risi, duke sjellë më afër shtresave imazhin e një deputeti që nuk kollarisej, por dinte të qante halle dhe të ishte i kudogjendur në cfarëdolloj situate.

Sonte, përmes disa pamjeve të përcjella live, ish-deputeti karizmatik, ka befasuar ndjekësit e tij, duke bërë disa homazhe në Napoli, në nderim të legjendës së futbollit Diego Armando Maradona, që u nda pak ditë më parë nga jeta.

Përmes pamjeve të përcjella, Ndocaj, sjell imazhe të përjetësimit të figurës së Maradonës në këtë qytet, duke dëshmuar lidhjen shpirtërore të napolitanëve me këtë figurë emblematike të futbollit botëror.
Ndocaj, në postimin e tij, shoqëruar dhe me sekuenca pamjesh, teksa bën homazh për nder të mbretit të futbollit, shkruan: Ky ishte dhe mbetet ZOTI I FUTBOLLIT! U rrita me golat e tij!