Ndërkohë, kur në vend ka shpërthyer një valë protestash, duke shprehur indinjatën dhe reagimin qytetar pas vrasjes së 25-vjeçarit Klodian Rasha nga efektivi i forcave të policisë “Shqiponja”, një tjetër skandal mendohet se ka përfshirë drejtuesit e policisë shqiptare.
Gjatë këtyre 5 ditëve të protestave, përvec përplasjeve të forta në mes protestuesve dhe policisë, qytetarët kanë vënë re një detaj të çuditshëm tek uniformat e policisë. Në disa pamje nga protestat e djeshme, vihet re sesi policia jonë ishte veshur me uniformën e policisë turke dhe mbajnë mburoja xhami me shkrim turk.
Një skandal i tillë, nuk ka kaluar pa reagimet e shumë politikanëve dhe figurave të ndryshme politike, që e kanë konsideruar të papranueshme dhe të pavend një uniformë të tillë.
Ish-deputeti lezhian, Eduart Ndocaj, i cili nuk i mungon debatit publik, kur është fjalë për vlerat e identitetit kombëtar, ka reaguar në profilin e tij, duke e cilësuar ministrin Lleshaj, një individ të pavlerë që ka lejuar këtë gjë, duke zbehur këshut identitetin kombëtar përballë një pushtuesi 500 vjecar.
Kaq groteske është situata, sa që Ndocaj ka bërë një sarkazëm të thellë, duke pyetur mos vallë kemi marrë borxh policinë turke, si ndihmë ndaj efektivëve shqiptarë në protestat e ditëve të fundit?
Reagimi i plotë:
