Aktori Mehdi Malkaj ka folur në një lidhje për ABC mes trishtimit për ndarjen nga jeta të ikonës së humorit shqiptar Koço Devole. Malkaj tha se Koço Devole nuk ka vdekur por thjesht ka ndërruar banesë pasi sipas tij një njeri vdes vetëm kur i vdes vepra. Ai shpreh habi që kolegu i tij vuante nga leuçemia pasi nuk ishte shprehur asnjëherë lidhur me këtë fakt.
“Devolja për mua nuk ka vdekur, thjeshtë ka ndërrua banesë, Një njeri vdes kur i vdes vepra. Ai nuk ka vdekur, Thjeshtë ka ndërruar banesë. Ai vinte i qeshur në punë dhe ikte i qeshur. Më ka dhënë një rol që nuk e dija se mund ta bëja. Kishim një raport mjaft të mirë.
Nuk e dija fare që ai ishte sëmurë. Ne ishim pak të përgatitur pasi kur shkon deri në intubim janë të rrallë ata që shpëtojnë. Nuk e kam ditur kurrë që ai vuante nga leuçemi. Jam çuditur. Ai do mbahet mend për punën e madhe që ka bërë, talentin e jashtëzakonshëm dhe batutat e tij”, u shpreh Malkaj.
