Masakra e bregdetit shqiptar gjatë këtyre 30 viteve, shkaktuar nga politikat e mbrapshta dhe mafia e grabitjes së pronave, që në kurriz të shqiptarëve janë pasuruar duke u vjedhur pasurinë publike, ishte në fokus të një video-mesazhi live, që ish-deputeti Eduart Ndocaj përcolli për ndjekësit e tij nga Sardenja e Italisë, duke krahasuar këtë perlë të Mesdheut që është ruajtur me mjaft fanatizëm, me Shëngjinin apo dhe plazhe të tjera të Shqipërisë të cilat janë shndërrruar në lavatrice të parave të pista të oligarkëve.
Ndocaj, ka shprehur shqetësimin e tij të vazhdueshëm për gllabërimin e vijës bregdetare nga “dora e zezë” e mafis së pronave, që ka uzurpuar pronën publike në Shqipëri.
Ish-deputeti Ndocaj, prej kohësh këtë temë e ka shndërruar në një nga kauzat e tij të fuqishme, duke patur si fokus denoncimin e vazhdueshëm të grabitjes së vijës bregdetare dhe shndërrimin e saj në ndërtime të pafundme që janë asgjë më shumë vecse mekanizëm i sofistikuar përmes së cilës kryhet pastrimi i parave të drogës.
