Unë Refail Tota, nëpërmjet këtij shkrimi dua të shpreh qëndrimin tim lidhur me zhvillimet e fundit në Shqipëri.
Jam anëtar i Partisë Aleanca Kuq e Zi që nga viti 2017 dhe familja ime e ka mbështetur këtë parti fuqimisht pasi beson në programin dhe qëllimin e saj fisnik për të pastruar politikën shqiptare nga korrupsioni dhe për t’i kthyer pronën pronarit të ligjshëm.
Familja ime ka vuajtur persekutim nga qeveria socialiste për shkak të mbështetjes tonë ndaj Aleancës dhe përpjekjeve tona për të na u kthyer pronat tona në Kukës, të cilat janë zaptuar nga familja e fuqishme Gjici, që ka mbështetje nga qeveria socialiste. Këto vuajtje më detyruan mua dhe vëllezërit e mi, Arsim dhe Ajrush të largohemi nga Shqipëria.
Por me këtë shkrim, me afrimin e zgjedhjeve parlamentare të vitit të ardhshëm, dua që t’iu bëj thirrje të rinjve shqiptarë që të mbështesin Aleancën Kuq e Zi dhe opozitën e bashkuar nën drejtimin e Partisë Demokratike për t’i dhënë fund keqqeverisjes dhe persekutimit që u instalua prej pothuaj 8 vitesh nga Partia Socialiste.
Për t’i dhënë fund grabijtjes së pronës dhe realizuar kthimin dhe mbrojtjen e pronës vetjake, për t’i dhënë fund mbrojtjes që PS u jep hajdutëve të pronës, siç është rasti i familjes tonë ku prona na është zaptuar paligjshmërisht nga familja e fuqishme Gjici, mbështetëse e fortë e PS. Për shkak të kësaj mbështetjeje të PS familja jonë nuk ka marrë asnjë përkrahje nga institucionet shtetërore, por i është treguar dera.
Ju bëj thirrje të gjithë të rinjve që të mbështesin Aleancën Kuq e Zi dhe opozitën për t’i dhënë fund një herë e mirë padrejtësisë në Shqipëri. Raste të tilla si rikthimi për gjykim i z. Saimir Tahiri, ish-ministër i Brendshëm dhe zyrtar i lartë i Partisë Socialiste, i cili është përgjegjës për lulëzimin e kanabisit dhe trafikut të drogës me qëllim financimin e fushatave elektorale të Partisë Socialiste, sipas përgjimeve të Shërbimeve të Inteligjencës italiane, tregon se përsa kohë të jetë në pushtet Partia Socialiste, trafikantët e drogës dhe njerëzit që i shërbejnë kësaj force politike në pushtet do të kenë mbrojtje të plotë.
Ju bëj thirrje të gjithë të rinjve që në zgjedhjet e ardhshme parlamentare të mbështesin Aleancën Kuq e Zi dhe opozitën për të ndërtuar në Shqipëri një polici dhe shtet ligjor. Unë dhe vëllezërit e mi kemi vuajtur shumë nga policia shqiptare, e cila nuk ka zbatuar ligjin por urdhërat e PS dhe të familjes Gjici duke na detyruar të largohemi nga Shqipëria. Militantë të PS dhe anëtarë të familjes Gjici vazhdojnë të terrorizojnë anëtarët e familjes tonë në Shqipëri ndërsa policia nuk u jep mbrojtje.
Policia, e cila si mision të saj duhet të ketë t’i shërbejë qytetarit dhe ta mbrojë atë, të zbatojë ligjin, por në fakt i shërben partisë në pushtet. Gjithçka do të bëhet realitet me fitoren e Aleancës dhe opozitës për të larguar nga pushteti këtë qeverisje të PS, e cila po vjedh popullin çdo ditë nëpërmjet koncesioneve të pa merituara, po i merr popullit edhe ujin, pyllin dhe gjithë pasuritë natyrore.
Prandaj të gjithë duhet të jemi të bashkuar për të larguar këtë të keqe të madhe, Partinë Socialiste të korruptuar dhe nën thundrën e liderit të saj hajdut Edi Rama. Përpjekjet e fundit të Edi Ramës dhe PS për të prishur marrëveshjen e 5 qershorit për Reformën Zgjedhore të arritur me opozitën do të dështojnë dhe fitorja i takon Aleancës dhe opozitës.
