Vera sigurisht që solli shumë këngë ritmike, hite, videoklipe të realizuara me kujdes dhe mbi të gjitha klikime. Por nëse është një këngë që vlen të veçohet, pa dyshim që meritat duhet ti shkojnë bashkëpunimit mes Marsel Ademit dhe Rovena Bundos.
Marseli tashmë është një këngëtar i afirmuar i cili ka fituar zemrat e shqiptarëve brenda dhe jashtë atdheut. Rovena gjithashtu është një këngëtare e njohur kryesisht për muzikën e lehtë dhe atë popullore.
Një bashkëpunim mes dy vokaleve të ëmbël solli një këngë të kompletuar. Ndërsa videoklipi i “Të dua ty”, ishte qershia mbi tortë. Një klip jo i thjesht në realizim solli në qendër të vëmendjes marrëzitë e një djali të dashuruar, që nga vendosja e parukes dhe deri tek tërheqja me karotrec e makinës së vajzës.
E si të mos mjaftonin, klipi është xhiruar në qytetin e Duerësit ku qytetarë të shumtë kanë vërshuar rrugëve për ti filmuar dhe për të kërcyer, pamje që janë edhe në klip. Kjo këngë duket se i dha jetë dhe ngjyra qytetit të cilin e kishte mbuluar zymtësia që pas tërmetit të nëntorit i cili shkatëerroi shumë banesa e biznese duke marrë edhe jetë njerëzish.
Një gjë është e sigurt që qytetarët durrsakë i kanë falenderuar për atmoaferën ndryshe dhe plot ritme. Bashkëpunimi është në orët e para të lançimit dhe deri tani është pritur shumë mirë duke marrë pa fund komente pozitive. Ndaj nëse këtë vit do të kishte një vlerësim për këngën më të gjetur të verës, do i shkonte Marsel Ademit dhe Rovena Bundos me “Të dua ty”!
