Mbrëmjen e sotme do të luhet në “Air Albania” supersfida mes ekipit kampion të Shqipërisë dhe ekipit kampion serb. Tirana dhe Cervena Zvezda do të përballen në kuadër të turit kualifikues për në Ligën e Kampionëve. Një ndeshje mjaft e rëndësishme për tifozat bardheblu të cilët po u zien gjaku dhe mezi presin ta shohin ekipin e zemrës në fushën e blertë.
“Tirona Fanatics” ua kanë prishur gjumin lojtarëve të Crvena Zvezda natën, duke ndezur fishekzjarre para hotelit ku ata janë akomoduar nga pasditja e djeshme. Ndërsa tifo-grupi tjetër bardheblu, “Capital Creë”, e ka treguar veten me një banderolë të madhe, që e ka shpalosur afër stadiumit, në ballinën e Universitetit Politeknik, duke i dhënë “zjárr” ndeshjes disa orë përpara. Natyrisht, përmbajtja e saj lidhet me Kosovën, zemrën e shqiptarisë, të cilën Serbia nuk e njeh ende si shtet të pavarur.
“Lúfta e shqiptarit ka burrëri, ne nuk merremi me gra dhe fëmijë”. Ky është mesazhi i fortë i këtyre tifozëve, të cilët stígmatizojnë púshtimin serb të Kosovës, génocidin e ushtruar atje prej tyre ndaj fëmijëve dhe grave të pafajshëm e të pambrojtur, duke thyer çdo kod lúfte e civizilimi.
