Deklaratë e Partisë Lëvizja e Legalitetit.
Partia Lëvizja e Legalitetit, vë në dukje se këto ditë në median e shkruar dhe konkretisht ne Gazetën “Dita” nga disa të cilët nuk njohin historinë dhe nuk dinë se çfarë është kombi, gazetë dhe artikull shkruajtës, antikombëtare e shpifes, të cilët nuk i dihen nga ju i vijnë të ardhurat financiare dhe çfarë qëllimi kanë, po i shqetëson busti i Mbretit ZOG I, filozofia zogiste dhe vlerësimi i figurës së Tij, si një burrë shteti që hodhi themelet e shtetit modern shqipëtarë.
Për PLL, këto falanga, akoma me mentalitet komunist, të ushqyer keqas në analet e tyre dhe të mirë urdhëruar, ngrenë herë pas here kokë në momente të caktuara deçizive kombëtare, kur ju intereson vetëm atyre që nuk e kanë dashur asnjëherë kombin shqipëtarë ashtu siç e donte Ahmet Zogu, një komb të bashkuar, me shtet ligjor pro Europës perendimore dhe Amerikës.
Fisnikëria e jonë dhe vetë ajo që ne përfaqësojmē nuk na lejon të merremi me ju të vegjël që kerkoni të rriteni duke u marrë me figura të mëdha si ajo e Mbretit ZOG, por thjeshtë ju themi mos i fryni zjarrit, lexoni si duhet historinë, vihuni siç duhet në shërbim të shoqërisë.
Zogistet, legalistët, nacionalistët në tërësi, të burgosurit dhe të përsekutuarit politik, ata që komunizmi ju vrau djemtë dhe të afërmit e tyre, pas viteve ‘90, në emër të shqiptarizmit dhe kunder vëllavrasjes komuniste u treguan tolerant dhe më tepër shqiptarë se sa duhej ndoshta.
Kjo për sa më sipër, kurrë nuk duhet marrë dobësi por moral i lartë fisnikërie, burrërie dhe trimërie, prandaj edhe njëherë mbylleni gojēn dhe lereni historinë të flasē dhe vlerësoj drejt të gjithë ata që deshën Kombin dhe Atdheun e tyre, por diktatura komuniste i njollosi me shpifje duke deformuar historinë tonë kombëtare.
